Bristibar salni bako Williamnagar-ni Industrial Training Institute (ITI) college-ko East Garo Hills a∙jani Deputy Commissioner Vibhor Agarwal nirokeaha. Ia skie ra∙ani a∙damni neng∙nikanirangko aro kam ka∙ani gadangrangko nambate ma∙sie ra∙nagita ITI ni Principal Mayrina Sangma baksa adita chanchirimaniko dakangaha.
ITI college-o poraie chu∙sokgipa chatro chatrirangna nambata badingani cholrangko ra∙bae on∙a nanganikoba uamangni golpogrikanio ma∙sie ku∙patie on∙anganikoba dakangaha. Unbaksana ia college-o skie ra∙ani biaprangna nanggipa rika cho∙aniko on∙agita chu∙gimik dakchakanirangko Administration-ni gita kamko ka∙anggen ineba DC aganangaha.
