Meghalaya Basin Management Agency (MBMA) aro South West Garo Hills a∙jani District Administration baksa nangrime District Level Farmer’s Collectivization Expo and Facilitation on Social Security Schemes-ko Bristibar salo West Garo Hills a∙jani Garobadha, Madhupara Government LP School playground-o ong∙atangaha.
Ia expo ko ong∙ataniara ge∙a gamani a∙bao bak donggiparangna namen gamchatgipa tom∙ani ong∙a unbaksana South West Garo Hills a∙jani Deputy Commissioner, dingtang dingtang departmentni official rang aro bank-ni gita sokbagipa manderangba ia tom∙anio bakko ra∙e ku∙pattianirangko on∙angaha.
Aadhaar tariani gamchataniko aro sorkari manderangni namgnina on∙enggipa cholrangko man∙a ammani bidingoba janape Deputy Commissioner RP Marak agan-talate on∙angaha. State Bank of India, Tura-ni Lead District Manager (LDM) C Musahary tangka paisarangko dingtang dingtang bank rangni gita man∙a amgipa scheme rangchi game cha∙giparangko bilakatna tangka paisani gita dakchakaniko man∙a ammanikoba u∙itangaha.
Farmer’s Collectivization Group jekai Integrated Village Co-operative Societies (IVCS), Producer Groups aro Farmers Producer Organizations (FPO) jean bimchipe on∙gilaniko Megha-LAMP (Meghalaya Livelihoods & Access to Markets Project), FOCUS (Farmers Collectivization for Upscaling Marketing System) aro PRIME bading chiwalani gamchataniko MBMA talate on∙angaha. Bading chiwalani gamchatani aro namdapataniko dakna ammani cholrangkoba MBMA agan-talatangjolaha.
South West Garo Hills-ni Megha-LAMP ni ning∙o 18 IVCS ko segate donmanaha aro Phase III-o bang∙bate segatanirangkoba dakangaha jedakode game cha∙giparangko bilakbatroroatna man∙gen. District Level Farmers Collectivization Expo and Facilitation on Social Security Schemes ko ong∙ataniara MBMA, District Administration aro bako dongpagiparangni gama ge∙aniko dakanio, game cha∙giparangko bilaktana aro dontonggija bariroroatna miksonge kam ka∙ani ong∙a ine u∙inagita man∙angaha.
