Meghalaya Tourism Department August 10 tariko Caravan Tourism Awareness Workshop ko Shillong-ni Pinewood Hotel-o ong∙atna manchie donangaha. Ia workshop-ko caravan tourism-ko a∙doko tang∙doatna, niksengatna aro iani gimin aganskie on∙a miksonge ong∙atanggen. Unbaksana caravan tourism-ni gita songregipa manderangni nang∙nikanirangko chu∙sokatna aro caravan tourism business ko a∙bachengatna dakna nanggni kamrangkoba talate on∙anggen.
Workshop-ona re∙bae bakko ra∙enggipa manderang, caravan-ko tarigipa mingsinggipa manderang baksa golpogrikaniko dake, sorkarini dakchakaniko ra∙e caravan tourism-ni dakna nanggni kamrangko sing∙sandie u∙ie ra∙angna man∙gen. Ia workshop-o entrepreneur rang, bading chiwale cha∙giparang, tour operator-rang, travel agent, tourism transport operator, tourism cooperative society -ni manderang, hotel aro homestay-rangko chalaienggipa manderang bakko ra∙angna man∙gen.
Meghalaya a∙dok mikkangchi a∙songtangni aro gipin a∙songoni songre songgabatgipa manderangna damsa mongsonggipa biap ong∙na chu∙ongagita bilsokgipa ong∙a. Caravan tourism-ko a∙doko ra∙baanichi songre songgabatgipa manderangna Meghalaya ni nitoaniko maming neng∙nikagri donga cha∙anio dakchakanikoba on∙angskagen.
