A∙doko nosto ong∙gipa skulrangko taridapaniko ja 6 ba ja 7 ni gisepo matchotatgen ine Rakkam Sangma agana

A∙doko sorkarini LP School-rangko taridapanirang re∙baenggipa jadok ba jasnini gisepo matchotgen ine Education Minister Rakkam Sangma aganangaha. Batanggimin salrango Chief Minister Conrad Sangma a∙doko pilak nosto ong∙gipa skulrangko taridape on∙gen ine janape on∙angaha. Meghalaya sorkari skia poraiani a∙bako dingtangatna miksonganirang gnang aro bida pakwatanio nambatgipa a∙dokrangoni damsa ong∙nagita sorkari jotton ka∙enga ine Rakkam Sangma parakangaha.

Official rangni parakatanigitade da∙o dam hajalsa skulrangko taridapenga ine u∙iataha. East Jaintia Hills a∙jaona re∙angani somoio Sangma ge 15 skulrango digital learning-ko a∙bachengate bi∙sarangni skie ra∙aniko namdapatna dakchakaniko on∙agita smart TV rangko suale on∙angaha ine parakangaha. Apsandaken a∙dokni pilak skulrangon skie ra∙ani gadangrangko namdapatna sorkari raken kam ka∙anggen ine Sangma janapangaha.