Meghalaya ni BSF dolrang niam gri gue gran badinggiparangko rim∙a

Meghalaya a∙dokni sima ari jolo donggipa BSF dolrang South Garo Hills a∙ja ni Rongara Pulis Stationi ning∙o, niam gri gue gran badingsrukgiparangko rim∙aha. Rim∙a man∙gimin gue granrang kg 24,000 donga aro tangka gong lakh 48 mangni gita ong∙a.

Ia gue granrangko Assam ona badingna ra∙angmitingko sima ari jolo donggipa South Garo Hills a∙jani Rongara Police Station ni ning∙o rim∙aha. Rim∙a man∙gipa gue granrangko name am∙sandianiko dakna Rongara Police Stationona pakwatataha.