Meghalaya a·dokni Speaker aro North Turani MLA Thomas A. Sangma, Prime Agriculture Response Vehicle scheme-ni garirangko Rongramni Horticulture Hub o oprake on∙angaha. Unbaksa WGH a∙jani Deputy Commissioner Jagdish Chelani ia oprakani somoio donge bakko ra∙anganikoba nikangaha.
Ia schemeko ra∙bae on∙anichi biming segatgimin game cha∙gipa dolrangko altue bajar antirangona re∙a doanio neng∙nikanirangko dakchakna miksonge ra∙baaha. Re∙a doanio korosrangko komiatnagita ia garirangko pilak Community Development Block rango dongen ineba u∙iatangaha. Iachi sakanti game cha∙giparangna janggi tangani cholrangko ra∙bae on∙an baksa uamangni ge∙e game man∙gipa bolam biterangko nambata gadangona pale sime cha∙na dakchakbeani ong∙anggen.
