South West Garo Hills a∙jani adita jolrango sorkarini dakchakanirangko manderangna sokatna Agriculture department ni PM Kisan, Supply department ni NFSAP aro Education department Mid-day Meal Scholarship ni ning∙o Aadhaar o biming segate ra∙china biap aro tarikko tik ka∙angaha. Janapgimin department-rang Aadhaar card ko tarie on∙agita August jani 1 tarikoni a∙bachengataha jekon uamang jako ra∙e kam ka∙angenga.
Aadhaar ko tarianichi sorkarini dingtang dingtang scheme-rang aro minggipin bang∙a dakchakanirangna biming segatanichi altuae jakkalna man∙agita songadamrango Aadhaar card ko tarina a∙bachengatangaha. Aadhaar-ko tarina chel∙e re∙na nangjana gita sorkari bang∙a a∙jarango district administration aro adita department rangni dakchakaniko man∙e a∙dokni bang∙bata biaprangon Aadhaar na biming segatanirang tang∙doaniko nikna gita man∙aha. Ian songdongenggipa manderangna mikkangchina namgniko ra∙bana ja∙ku de∙ani ong∙a.
