A∙dokni skotong dilgipa Conrad Sangma, Meghalaya State Education Commission (MSEC) office-ni kutturirangko Lower Lachumiere-ni MBOSE Office-o Education Minister, Rakkam A. Sangma aro commission-ni dilgiparang baksa oprake on∙angaha. Skia porani a∙bako namdapatna sorkarini miksongani baksa a∙dokni chadamberangna mikkangchi nambate kam ka∙na MSEC nama cholrangko ra∙bana kam ka∙anggen ine Sangma aganangaha.
A∙dokni lekka porani bidingo bang∙a neng∙nikanirangko man∙genchimoba MSEC ni ning∙o gisik matsramgiparangni dakdilanichi a∙doko neng∙nikanirangko chel∙atna cholko on∙angskagen.
Commission-ni skanggipa tom∙bimonganio da∙ororo lekka pora skiani bidingo sorkari ni kamrangko niksamsoan baksa name apale chanchie ka∙na nanga ine Sangma didiangaha. Unbaksana kam ka∙enggipa sakantikon ku∙cholsan ka∙e chu∙sokgipa biteko nambata gadangona tang∙doatna ku∙mongani kattarangkoba ua agandapangaha.
