Meghalaya a∙dokona matchurangko ra∙banagita Assam sorkariko Animal Husbandry aro Veterinary ni Minister AL Hek mijal salni bako didiangaha.
Matchurangko a∙dokona ra∙napbaaniko Hek ni janapani miksonganiara, batanggimin salrango Assam-oniko Meghalaya a∙dokona salbagipa matchu matterangko rim∙ani bidingo pangchake u∙iataha. Ia obostani gimin Assam a∙dokni Animal Husbandry ni Minister ko gronge golpogrike ra∙napbana on∙aniko dakengaha ine Hek kobor ra∙timgiparangna parakataha.
Matchurangko badingna salbaaniko Assam a∙dok dontongatgenchimoba, salnapaniko a∙dokni ramarangko jakkalgija National Highway ko jakkalesa salbaaniko dakenga. National Highway ni ramarangko jakkale matchurangko salbaanio darangba beng∙na kangna man∙ja ine Hek aganangaha.
