Re∙anggimin bilsi 4-5 rangna kingking Diploma in Elementary Education (D.EL.ED) ni resultko on∙gija don∙chipenggipani bidingo National Institute of Open School (NIOS) baksa am∙sandianiko dakanggen ine Education Minister Rakkam Sangma aganaha.
West Khasi Hills a∙jani Sibsingh Centre ni sak 29 chatro chatrirang baksa tom∙e chanchirimangani ja∙mano, NIOS-ni dilgiparangming iani bidingo name tale ma∙sie kamrangko ka∙anggen ine Sangma kobor ra∙timgiparangna parakataha.
Ia obostara namen ong∙na amgijani ong∙a aro uni chanchipani gitade a∙dokni bang∙a centre-rangon ia obostako batanggimin bilsi 4-5 mangna chagrongengnaba donga ine Sangma agananangaha.
