Megha Health Insurance Scheme (MHIS) ko Prime Minister ni Health Scheme baksa nangrimate a∙dokni manderangna sanna bannanina chamgimin tangka paisa rangko bariatnagita ja∙ku de∙anggen ine Health Minister Ampareen Lyngdoh Sombar salo parakataha.
Lyngdoh ni agananigitade, da∙o dipet MHIS na chu∙gimik tangka paisarangko a∙dok sorkarini gitasa chamaniko dakenga. Ia scheme ko Prime Minister’s Health Scheme baksa nangrimatanichi manderangna adita dakchakaniko man∙dapangnagita amgen ineba Lyngdoh agandapangaha.
Ia scheme ko man∙agita Aadhaar ko MHIS baksa nangrimatna manderangni mongsonggipa dakna nanggni daito ong∙gen ineba ua u∙iatangaha.
