Meghalaya a∙dokni dam 1500 songrango Integrated Child Development Services (ICDS) centre rangko ra∙bae on∙china Social Welfare Minister Paul Lyngdoh ma∙mongni Women and Child Development Minister Smriti Irani-o mol∙molaniko dakangaha. ICDS centre ko bimang ong∙atna gita Union Minister a∙dokna 10% chamgipa tangka paisarangoniko ma∙mongni 90% ICDS na chamgimin baksa nigrike tangka rangko on∙atgen ine Paul Lyngdoh u∙iataha. Meghalaya a∙dokni ning∙ao dam 1500 mang songrango ICDS centre-rangko man∙kugijagiparang dongkuenga ine ua aganangaha.
ICDS centre rangko songo donanichi bilsi 6 ni ning∙o ong∙enggipa bi∙sarangni chu∙gimik dal∙droanio dakchakna, uamangko nirokgiparangko namdapatna aro songadamo nangchongmotgipa bosturangko man∙a dakchakanian ong∙a. A∙doko Supplementary Nutrition Program (SNP) ko man∙a nanggiparang Adhaar Card dongjae dontongatna tik ka∙gipako, Union Minister dontonggija SNP ko ka∙angkuna ka∙donganiko on∙ataha. Department ni gita aadhaar card o biming segatani bidingo rake kam ka∙anichi da∙alo a∙doko 97% ni gita tang∙doaha. Poshan-o kam ka∙giparangna man∙kugijagipa hajira rangko da∙o re∙baenggipa jagnini gisepo on∙genok ine Paul Lyngdoh parakataha. Nirbhaya scheme ni gita name dake nichenge sima ari jolrango me∙chikrangna dakchakaniko on∙a rika cho∙anirangko a∙bachengatgen ineba Lyngdoh parakangaha.
