South West Garo Hills a∙jao Azadi ka Amrit Mahotsav ko manina tarisamsoaniko dakna Ampati Circuit house o Bristibar salo tom∙bimongangha. Ia tom∙bimonganiko dingtang dingtang dakmesokanirangko mesoke, a∙songko jakgitelna dakgrikdilgipa matgrikrangko gisik ra∙na aro a∙doktangko gisiksan ba ku∙cholsan ong∙e chel∙chakna ja∙ku de∙na miksonge ong∙atangaha. Ia tom∙aniko SWGH a∙jani DC R P Marak dilangaha. Ia chanchirimanio Block Development Officer aro dingtang dingtang department ni officer rangni gisik nangbee bak ra∙anganiko nikangna man∙aha.
Azadi ka Amrit Mahotsav, ian India a∙songni bilsi 75 gapaniko gisik ra∙e a∙songo songdongenggipa mande sakantini katchabee manianio bak ra∙aniko mesokani ong∙a. India jakgitel ong∙ani bilsi 75 gapaniko manina tarisamsona chanchirimanio, a∙songko jakgitelna an∙tangtangko on∙kange dakgrikdilgipa matgrikrangko gisik ra∙aniko dakna, a∙songni tom∙tomanina ku∙cholsan re∙mikangna aro namroro silroroaniko ra∙bana ku∙mikchetgrikna mangsongangaha.
Unbaksana Vasudha Vandhan jeko agangenchimode samtangtango donggipa bol wa∙arangko ripingna, pang 75 bolrangko ge∙grimna tik ka∙angaha. Veron ka Vandhan, ian budepa buchuma ong∙e bilgrigipa manderangko songsalo nengrae janggi tangna dakchakaniko on∙a mongsonggipa ong∙e chanchianirangko dakangaha. Una agreba ia manianio chadamberangko dingtang dakmesokanirango mongsonge bak ra∙atanirangko dakangna tik ka∙angaha.
