Cricket Association of Mizoram batanggimin sal somoirango Aizawl-o North East Cricket Development Committee (NECDC) ni 8 gipa Conclave aro 2 gipa Achievers Awardko ong∙atanio sakbonga Meghalaya ni cricket kal∙giparangko uamangni chu∙sokanina mande ra∙aniko dakangaha.
Meghalaya Cricket Association (MCA) 2021-2022 bilsio Elite groupona tang∙doanganina boksis ko man∙aha. Unbaksana kal∙susagiparangba bangbate wicket, score aro wicketkeeping-naba boksisrangko man∙angaha. Boksis man∙anggiparangoni West Garo Hills a∙jani Kongbe A∙ding gittimni Tra Ajima Sangma ba saksa ong∙a. Ajima Sangma 2021-2022 bilsini BCCI domestic season-o ge 17 wicketrangko ra∙e Senior Women’s category-o Best Bowler-ni boksiskoba man∙angaha. Ajima Sangma-ko batanggimin season-o senior women’s category-o India Blue Team-onaba ra∙napako man∙ahachim indiba ua kal∙susaamitingo saknaaniko aro neng∙nikanirangko man∙e selectiono bakko ra∙nagita man∙jaha.
