East Garo Hills a∙jani Williamnagar songjinmako namdapatna aro silroroanina ja∙ku de∙na a∙jani MLA Marcuise N. Marak, DC office o July 25 tariko tom∙bimonge chanchirimangaha. Unbaksana ua tom∙anio Deputy Commissioner V. Agarwal aro dingtang dingtang departmentni manderang chanchirimanio donge bakko ra∙anganiko nikangaha. Sakantian uamangni namgipa ku∙pattianirangko aro nangnikarangko parake mikkangchina ja∙ku de∙na miksonganiko dakangaha.
Williamnagar, EGH a∙jani damsa gamchatbegipa skotong songjinma ong∙a jekon bang∙a manderang dingtang dingtang nanganirangna ba kamrangna jakkala. Marak uni bil ama dipet songjinmako silroro namroroataniko ra∙bana krenge kam ka∙anggen ine parakangaha.
