Northeast Cricket Development Committee (NCDC) ni gnigipa changna Northeast Cricket Development Committee Achievers Nite aro chetgipa changna Northeast Cricket Development Committee Conclave ko Aijal Club dolrang, Aizawl songjinmao ong∙atangaha. Ia programme-ko ong∙atanio battanggimin karirango an∙tangtangni changa sapaniko aro bimchipe dakmesokgiparangna on∙pilskaaniko dakangaha.
Ia boksisrangko pakwatanio SGH a∙jani chadambe saksa Shreya R. Marak bilsi 15 ni ning∙ao kale uni nambee dakmesokanina Best Bowler Award-ko man∙angaha. SGH District Cricket Association-ni ning∙o Nongalbibra Cricket Association nigita kal∙e, Marak uni changa sapaniko aro bilsi 14 dolni 2023 State Championship o namgipa dilgipa ong∙aniko mesokangaha. Apsandake boksisko bilsi 16, 19 aro bilsi 25 ni ning∙ao kal∙giparangnaba suale on∙angaha.
