North Garo Hills a∙jani wilwilao donggipa biaprango jarikkito dakenggipa tom∙bimonganiko Kharkutta PHC o July jani 19 tariko ong∙atangaha. Ia tom∙bimonganiko Kharkutta PHC ni Medical Officer dakdilangaha. Unbaksa Kharkutta blockni BDO, ICDS ni official-rang, supervisor aro NRLM ni Block Programme Manager (BPM) tom∙bimonganio dongpae bakko ra∙angaha.
Ia tom∙bimonganiko namgipa aro indin sanna bannanirangko manderangna sokatna miksonge ong∙atangaha. Iako dake pilak dingtang dingtang department-rang aro songni manderang baksa bakrime sanna bannani a∙bako namdapatna miksonge re∙mikkangani ong∙a.
