West Garo Hills Badminton Championship 2023, Tura Badminton Association-ni ong∙atanggipa Sombar salo bon∙kame kal∙susaaniko dake name matchotangaha.
Tura Badminton Association bilsiantian Badminton Championship kal∙susaaniko ong∙atrongenga. Apsandaken ia bilsioba July jani 15 tarikoni 17 tarikona, Turani Indoor stadium-o ong∙atangaha.
Ia kal∙susaanio me∙a aro me∙chik dolrang dingtang dingtang gadango bak dake kal∙susaanirangko dakangaha. Ia kal∙susaaniko bilsi 13, 15, 17 aro 19 ni ning∙o ga∙akgipa bi∙sarangna ong∙atangaha unbaksana bilsiko nigija jinmana kal∙susaatanikoba ong∙atangangaha.
Badminton Championship 2023-o bak ra∙e chegipa sakantinan trophy aro certificate rangko on∙angjolaha.
