India a∙songo Weightlifting-o mingsinggipa aro Tokyo Olympico Silver Medalko man∙gipa Saikhom Mirabai Chanu a∙songni Prime Minister Narendra Modi aro Home Minister Amit Shah o Manipur a∙dok-o tom∙tomaniko ra∙bapilchinagita mol∙molataniko dakataha.
Manipur a∙doko so∙sojengjeng ong∙e dakgrik dingrikani jagittam gapilonaba tom∙tomaniko ra∙bana man∙jaengani a∙selo skulni chatro chatrirang aro kal∙susaanio bak ra∙giparang tarisamsona man∙jaenga ine janapataha. Unbaksana bang∙a manderangni janggirangko gimaatanina aro bang∙a nokrangni nosto ong∙aniko man∙anina ua kusi ong∙gijaniko parakangaha. Mirabai da∙ode USA-o World Championship aro Asian Games-na tarisamsoaniko dakenga ine ua aganangaha.
