Tetengkol Youth Club Tura District Basketball Association (DBA) baksa nangrime ong∙atenggipa All Garo Hills Open Basketball Tournament kal∙susaaniko da∙al pring 9 bajioni Christian Girls Higher Secondary Skul-ni basketball kal∙chakramo a∙bachengataha.
Skanggipa kal∙susaaniko me∙chik dolrang Kawate aro Surmount kal∙angaha jeon Surmount dolrang che∙gipa ong∙aha. Ia kal∙susaanio Garo Hills-ni a∙dita biaprangoni bakko ra∙angenga. Bak ra∙enggipa dolrang chu∙gimik dol 21 donga jeon me∙asarang dol chi∙bri aro me∙chikrang dol sni ong∙a. Ia kal∙susaaniko antigni mangna ong∙atanggen.
