West Bengal Panchayat election ong∙ani sal gittam ja∙mano South 24 Parganas a∙jao sak gittam manderangko so∙otaha aro ia mamilao sigiparang sak 42 ona tangdoaha. Golmal ong∙ani ja∙pang Bhangar biapo walni somoio golmal ong∙e sakgni manderang so∙otako man∙aha aro sakgni pulis-rang sakinaaniko man∙aha. Ia biapo election pu∙onani tariko June jani 8 o parakatani ja∙man sak bonga sianiko kobor man∙soa.
July ni 11 tarikni Mongolbar walo All India Secular Front (AIFS)-ni dilgipa Raju Mollah aro Hasan Ali ko so∙otanga. AIFS ni dilgipani aganani gita ua Gram Panchayat biaprango dolni member rang bang∙bate chegipa ong∙ahani bidingo Trinamool Congress (TMC)-ni dilgipa Arabul Islam so∙otanirangko dakdilangaha ine parakataha.
Golmal ong∙aniko tom∙tomatna kamrangko ka∙engon pulis sakgni aro ASP baksa uko warachakgipa Bhangar o dolgni partyrangni slairangchi gogrike dakrikanio gulirang nang∙e jokkom ong∙angaha.
Trinamool Congress dolni saksa Biplap Mondal jean Mongolbar walo dakrikanio jokkom ong∙e Butbar pringo ua janggiko galaha.
