Mijal salni bako West Garo Hills a·jani Alliance of Christian Churches aro Goshen Blessing Foundation dolrang bakrime skie ra·enggipa chatro chatri-rangna ‘Students’ Career Development Intenventions’ program-ko Dakopgre-ni Tura Town Church, jean Coal Indian Office-ni sambao donggipa biapo ong·atangaha.
Ia program-ko ong·atanio sak 200 mangni gita chatro chatrirang bakko ra·angtokaha. Ia career development ko ong·atani miksonganiara chatro chatrirangna Civil Service, UPSC, IPS, IFS, IRS aro dingtang dingtang gamchatbegipa porikkarango chu·soknagita tarisamsoani aro skie ra·aniko on·ani ong·a. Ia program-o mongsonggipa skie on·gipa manderangara Social Activist Roger Benny A. Sangma, Union Christian College, Shillong-ni Assistant Professor Carbrist P. Marak, Dr. JP Marak, Dadenggre-ni Assistant Commissioner Dr. Rikrak N. Marak aro Dr. R N. Marak ong·a.
