Da∙al salni bako, Education Minister, Rakkam A. Sangma, MTET pass ka∙e dongenggiparangko 1200 na bate Govt. L.P school-rango skigipani kamna ra∙napna ku∙chake ra∙angaha. Kamrangna nakataniko Sangma July 14 tarik Sukrobar salo parakatgen ine u∙iatangaha.
Sangma ni parakatani gitade da∙o skigipani kamna bangbanggipa biaprango gapatna nanganirang bang∙en dongengkuani gimin, ia kamrangna gapatanio pilakna u∙iata bakan kamrangko ta∙rake ka∙angna jotton ka∙gen ine parakangaha. Education department iani bidingo jagnina somoirangko ra∙e matchotatna, man∙a dipet krenge kam ka∙anggen ine ua ka∙dongani kattarangkoba aganangaha.
