A∙chik jat rangni man∙a nanggnigipa kamrangko nipiltaianiko aro Tura-o Winter Capital ko ra∙bana dabianiko daknagita A∙chik Conscious Holistically Integrated Krima (ACHIK)-ni dilgiparang July 11 tarikoni okgimu chakanggen ine parakataha. Ia dakdilanio gitcham MCS aro IPS Laben Ch Marak mongsongbatgipa dilgipa ong∙a ineba kobor ra∙timgiparangna aganangaha.
A∙dok sorkarini kam rangna ra∙napaniko 1972 bilsi-o pangchake ra∙gatjani gimin A∙chik jatko onia ka∙ani ong∙a aro re∙baenggipa sal somoirango neng∙nikaniko ra∙bagen ine ACHIK-ni President Thomas M Marak agandapangaha. Ia Reservation Roster aro Winter Capital-ni bidingo sorkari niatja dipet uamangni okgimu chakaniko dontongjawa ine a∙kange aganangaha.
