GHADC ni CEM Albinush Marak, Uniform Civil Code (UCC) ni bidingo dingtang dingtang NGO, senior citizen, MDC aro Council-ni dilgiparang baksa apsan tom∙e chanchirimaniko dakangaha. Ia tom∙bimongani miksonganiara UCC ko a∙dokona ra∙baaniko jegalna gita ong∙a.
Ia chanchirimanio bak ra∙giparang apsan ku∙mong nangrime UCC ko jegalaniko dakangaha unbaksana jinmani namnikgijaniko mesokna gita niamrangkoba tarie donangaha.
Ia jegalaniko dakaniara jat ni niam retiko, dakbewal rikbewalko aro gamjinko mikkangchina gamchate rakkiangna ba ripingangna aspan ja∙ku dena gita miksongani ong∙a ine parakataha.
