Meghalaya a∙dokni Health Department, National Tobacco Control Program (NTCP), aro Sambandh Health Foundation (SHF) nangrime, East Garo Hills a∙jani Law Enforcement Police Officer rangna aro gipin Pulis dolrangna “Cigarettes and Other Tobacco Products (COTPA)” ni bidingo Williamnagar DRDA hall-o skie on·aniko Mongolbar salo dakangaha.
NTCP programko Meghalaya ni State Nodal Officer, Dr. Lana Nongbri aro EGH a∙jani District Nodal Officer, Dr. Barkaraine Marak mongsonggipa ong∙e dakdilangaha. Ia program-o Tura Christian hospital ni Dr. Siddharth K Sangma aro Shri Pramod Kumar (SHF) bak ra·gipa sakantina ta∙maku jakkalaniko champengani bidingo nambee skie on·angaha.
Unbaksana EGH a·jani Superintendent of Police, Siddharth Kumar Ambedkar ba ia programo bakko ra·e mikkangchi de-su·drangna chanchie a·jao ta∙maku jakkalaniko champengna rake kamrangko ka·china sakanti dilgiparang baksa ku·monganiko dakangaha.
Ia program-o theory aro practical minggnikon skie on·angaha aro ia skie on∙ani matchota bakan sak kolgriksa dosi dakgipa manderangko rim·na gita man·aha ine koborna parakataha.
