Ri-Bhoi a·jani Raid Marwet-ni ning∙o donggipa songrango jerangan an∙tangtangko Garo songni Nokma ine agane niam gri a·arangko gipin a·dokni manderangna palengani gimin Hynniewtrep National Youth Movement (HNYM) dolni gita sal 7 ni gisepo Khasi Hills Autonomous District Council (KHADC)-ni dongimin niamni a∙palo ga∙akani gimin Hima Mylliem a∙king-ko ia mamlani bidingo kamko ka·angchina aganataha aro ua Nokmarangni seal aro lekka pancharangko chakchikgijan on·atchina u∙iataha ine HNYM ni President Louis Dohtdong KHADC ni CEM ko grongani ja∙mano kobor ra∙timgiparangna parakataha.
Khasi Hills a∙jao Garo rangni Nokma ong∙e donganiko Hima Mylliem a∙kingko jako ra∙giparang ra∙galna man∙jagenchimode uamangni sason oniko councilna jako ra∙na on∙skachina ine Dohtdong aganangaha. Council ni gita am∙sandianiko dake Raid Marwet, Kensing raja na show cause notice koba on∙atgen aro ia mamla ko Deputy CEM, PN Syiem ni jakoba on∙anggen jean ua Elaka ko nirokengachim ine KHADC ni CEM Pyniaid Sing Syiem aganangaha.
