West Garo Hills a·jani Demdema C&RD Block-ni ning∙o donggipa Gimegre songko jako ra∙e Rajya Sabha-ni MP, Dr. W R Kharlukhi, MPLAD ni gita kamrangko a∙bachengatna miksongnirang gnang. Ia songko nirokenagita ua mijal salni bako tik ka·ahachim, indiba mikka balwarangni a·selo tom∙aniko dakna Tura-ni DRDA Conference Hall-ona apjitangskana nangaha.
Songko jako ra∙e kam ka∙ani program-ara Prime Minister Narendra Modi ni ge∙etgimin aro ka∙na nangchongmotgipa kam ong∙a. Ia kamko MP sakprak song damprakko jako ra∙e manderangna pangchake janggi tangna cholko on∙e mikkangchi namroro silroroatna ja∙ku de∙ani ong∙a ine Kharlukhi aganaha. Ia sheme-ni ningo homestay-rangnaba sorkarini gita 70 percent subsidy-ko on∙e dakchakaniba donga, jedakode manderang nengrae cholko dake janggi tangnagita man∙gen ine ua aganaha. Unbaksana damsa rongtalbatsranggipa Mawlynnong song an∙tangari cholienganiko aro tourism ni a∙bao nambatangenganiko janapa gnang ia scheme, songko nokko tang∙doatna dakchakbegen ineba Kharlukhi agandapangaha.
Gimegre songo nanganirangko u∙inagita songni Nokma aro manderang baksa golpogrikanirangko dakangaha aro MPLAD scheme ni ning∙o community hall, solar lamp aro dingtang dingtang departmentrangni gita scheme-rangko mikkangchi biltang jaktango chu∙soke cholinagita on∙e dakchaknaba Kharlukhi ku∙chakangaha.
