Batanggimin salrango bijoli den∙aniko dontonggenok ine social media-rango jangataniara kakket ong·ja ine Power Distribution Corporation Limited (MePDCL) jegalataha. A∙doko bijoli den∙aniko dontongatna, Umiam dam-o chu·onga gita chini gadangrang tang∙doani ja∙mansa bijoli den∙aniko ra∙galna man·gen ine MePDCL parakataha.
A∙doko chu·ongagita aro somai gita bijoli watjagenchimoba, bijolina gamna nanganirang bang∙bate sokengani gimin Hynniewtrep Youth Council (HYC) dolni Assistant Executive Engineer, Sohra, Distribution Sub-Division, MePDCl-na dorgastoko seataha aro sal 10-ni gisepo iani chong∙mot a∙selrangko talate on·chinaba mol·molangaha.
