Meghalaya a∙doko mikka waachi a∙sel ong∙aniko nirokatna ma∙mong sorkari tangka chamataha

State Disaster Response Fund (SDRF) ni gita dam chi∙sku a∙dok sorkarina gong 6,194.40 crore chamaniko ma∙mong sorkari ra∙chakangaha. Ma∙mong sorkarini 2022-23 bilsina chamgimin gong 1,209.60 crore oniko Chhattisgarh, Meghalaya, Telangana aro Uttar Pradesh na chamataha. Gipin dam chi∙bonga a∙dokrang Andhra pradesh, Arunachal Pradesh, Assam, Bihar, Goa, Haryana, Himachal Pradesh, Kerela, Maharashtra, Manipur, Meghalaya, Odisha, Punjab, Tamil Nadu aro Tripura naba 2023-24 bilsina gong 4,984.80 crore chamanikoba ma∙mong sorkari ra∙chakaha.

Mikka balwa rakani somoio, a∙doko dingtang dingtang a∙sel ong∙anirangna tangkarangko jakalna chamgimin ong∙a. Unbaksana ma∙mong sorkari, 2023-24 bilsina gipin dam sku a∙dokrangna SRDF ni gita gong 3649.40 crore chamgiminko ra∙chakangaha. 15th Finance Commission Recommendation o pangchake 2021-22 oni 2025-26 bilsiona ma∙mong sorkari SRDF na gong 1,28,122.40 crore ko suale on∙angaha.