Javelin gogipa Neeraj Chopra Lausanne Diamond League o chegipa ong∙a

2020 Olympic o javelin ba petchokgipa sel∙uko go∙susaanio gold medal-ko man∙gipa, Neeraj Chopra, 2023 Lausanne Diamond League o bak ra∙e chegipa ong∙aha. Uni go∙ani bakroa 87.66m chel∙bee til∙ataha jeon ua a∙gilsak gimiko susaanio Germany a∙songni skanggipa ong∙e dongenggipa Julian Weber na bate goenba chegipa ong∙angaha. Julian Weber ni goe bakroe til∙atara 87.03m san ong∙aiaha aro iachi ua gnigipako man∙sikaaha. Tokyo Olympic o silver medal man∙gipa Czech Republic a∙songni Jakub Vadlejch, 86.13m chel∙e goenba gittamgipa ong∙angskaaha. Re∙anggipa bilsini August jaoba, Chopra Lausanne League o bak ra∙e skanggipa ong∙ahachim aro una ja∙sa ja∙man ua Diamond League Trophy koba man∙baaha. Ian Chopra ni gnigipa changna Diamond League o cheaniba ong∙enga.