A∙dok sorkari Tourism Department ko namdapatna da∙al salni bako Prime Tourism Vehicle ko Chief Minister Conrad Sangma aro Tourism Minister Paul Lyngdoh a∙bachengate on∙angaha.
Sorkarini Tourism Vehicle scheme-ni ning∙o bol 16 Innova Crysta garirangko a∙dokni dingtang dingtang biaprangko nina re∙bagipa manderangna re∙a doaniko nengraatna gita tourism ko chalaigipa dolrangna on∙angaha.
A∙dok sorkari bilsi prako bol 50 garirangko on∙gen aro re∙baenggipa bilsi bongani gisepo gimik gimang bol 250 ko on∙a miksongenga. Ia scheme ni gita 50 percent ko subsidy on∙e dakchakenga ineba Conrad Sangma aganaha.
