Ma∙mong sorkarini Uniform Civil Code (UCC) ko Indian constitution o sakantinan bil apsan on∙a nanga ingipao pangchake ra∙gatna miksonganiko Meghalaya a∙dokni manderang raken jegalaniko daksoenga. Meghalaya o UCC ko ra∙gatgenchim ong∙ode constitution o Sixth Schedule ni gita niamo a∙dokni manderangna bil on∙giminrangko jakkalna neng∙nikaniko ra∙bagen ine kusi ong∙gijaniko parakangaha.
UCC ara constitution ni directive principles ni ning∙o, toromni gita bebe ra∙gipa aro dakbewal dakarika donggipa jatni manderangna ge∙san niamko ja∙rikchina ge∙etgipa ong∙a. Ia niamara sakantinan apsan sasonko dingtang dingtang kamrango ra∙bagen jekai bia ka∙ani, jikse galgrikani, deragatani, ma∙a paani gamko aro bilko man∙rikanirangoba mikkangchi ja∙rikna gita bil man∙jawaha. Unbaksana Sixth Schedule ni ning∙o bil man∙gipa jekai Land Transfer Act aro District Council Court ni bilni ning∙o donggipa biaprang na kenchakani ong∙gen ine KHADC re∙anggipa antio resolution-ko on∙e jegalaniko dakaha. Legal expert rangko gronge dorgasto ko tarie Law Commission of India na UCC ko jegalaniko on∙atgen ine KHADC aganangaha.
