A∙dokni skia-poraianiko Rakkam A. Sangma nipiltaie mikkangchina ja∙ku deangna miksonga

A∙dok gimiko bida nokrango lekka porako on∙anio kam ka∙anirangko ma∙sie ra∙nagita Education Minister, Rakkam A. Sangma, July jani 14 tariko tom∙bimongani ja∙mano nipilaniko dakna manchie somoiko donataha. A∙dokni chadamberangna bidako pakwatani gamchatgipa daitoko jako ra∙e, Sangma skia-porani bidingo tang∙doatna kamrangko ka∙na kang∙kare kae re∙mikkanganggen ine parakangaha.

Ua salsa skang, July jani 13 tariko, Sangma pilak chatro chatri rang re∙anggipa 2023, SSLC aro HSSLC porikkao name chu∙sokgiparangko mande ra∙pilaniko dakanggen ine aganangaha. Education Department ni dilgiparang baksa mikkangchi chadamberangna bidako pakwatanio re∙mikkangani ja∙gamko chanchisamsoe ja∙ku dena mangsonganikoba golporimangen ine ua u∙iatangaha.