Ru∙utgija salrangna skang PA Sangma Sports Complex Tura ni pakma be∙gruani chong∙mot a∙selko am∙sandina gita, Amit R Marak, High Court-o Public Interest Litigation (PIL) ko badi ka∙angaha. Marak ni badi ka∙anio pangchake High Court, a∙dok sorkariko iani bidingo jako ra∙enggipa department rangko nigrike ta∙rake kamrangko ka∙china ge∙etaniko on∙ataha.
Stadium-ni pakma be∙grugipani ramarango donggipa jabolrangkoba ta∙rake rongtalate on∙china a∙dok sorkariko didianiko dakangaha. Unbaksana ia stadium-ko jako ra∙e rikenggipa agency koba, uko rikani somoirango niamrangko ja∙rike rikjagenchim ong∙ode pilak kamrangko nipiltaie gital tarie on∙taichina ge∙etanikoba on∙angaha.
