Garo Hills-ni damgni kal∙chakram biap rika matchotsrapgijan nosto ong∙na a∙bachenga

North Garo Hills a∙jao, Adokgre aro Bajengdobao damgni rikenggipa kal∙chakram biaprang rika matchotsrapgijaan  nosto ong∙engaha ine koborko man∙soaha. Ia stadium-ko rika tong∙saba man∙kugijan pakmarangni bretbaaniko aro nosto ong∙aniko da∙on nikna man∙enga ine parakataha. Ian contractor rangni simsakgija kam ka∙anichi nosto ong∙aniko nikna man∙enga ine songni manderang matnange aganangaha.

Stadium-ko rikenggipa saksa kam ka∙gipani aganani gitade kal∙chakramni a∙pako aditade tarimanaha indiba kal∙chaknade on∙kujaenga ine u∙iataha. Ia project rangko batanggimin March jao oprake on∙manahaoba, da∙o iako kamrang ka∙gija galchipe donskaenga ine koborko man∙soaha.