West Garo Hills a∙jao donggipa Rajabala-Hallidayganj AMPT rama dilsa, jekon Meghalaya aro Assam a∙dok damgnio songdongenggipa lakni lak manderangna re∙rurana gamchatbegipa rama dilsako Meghalaya sorkari nirokgija galchipe donenga ine koborko parakataha.
Uano songdongenggipa manderangni aganani gitade ia ramako tarie on∙china uamang Chief Minister Conrad Sangma na adita chang chitti sedoatahachim ine uamang u∙iataha. Ia ramani obosta namjabeani a∙sel iako re∙rurana jakkalenggipa manderang neng∙nikaniko man∙enga ine kobor ra∙timgipana parakataha.
