Meghalaya a∙dokni ma∙gipa saksa, Reliance Pyrngap, a∙songni ge∙sa dal∙begipa, National Florence Nightingale Award ko uni manderangna chotchanggija dangdike on∙anina, President Droupadi Murmu ni jakchi on∙aniko Rashtrapati Bhavan o Bristibar salo ra∙chakangaha.
Ma Pyrngap, uni u∙ianiko bakroatna dingtang dingtang gadango ong∙atgipa Continue Nursing Education (CNE) program rango bakko ra∙gipa saksa ong∙a. Ua ma∙mong sorkari aro a∙dok sorkariko uni kamko nike mande ra∙planiko on∙anina, mittelpilskaaniko on∙an baksa pilak uni ka∙rimskarangko dondikgija manderangna dangdike on∙angchina didianikoba on∙angaha.
Nurse ni a∙bao ua bilsi 35 na ANM aro LHV ko jako ra∙e Saipung Primary Health Centre o dangdike on∙angaha aro da∙o Sunga CHC, EJH Khliehriat o kamko ka∙angkuenga. Ua uni kamni a∙bao saksa bimchipgipa ong∙e bang∙a an∙o donggipa ma∙giparangni janggiko naljokatgipa ong.a. Uni on∙kangani aro chotchanggija manderangna maming jajaa gri dangdike on∙aniko nike una mande ra∙pilani gita ia award ba boksis ko on∙angskaaha.
