Re∙anggipa June 18 tariko Meghalaya State League 2023 ni bon∙kamgipa salo gimik District Sports Association rangna jean Meghalaya Football Association ni bak ong∙paa, uarangna gong lakh 2 ni cheque rangko on∙angaha, jedakode an∙tangtangni biapo kal∙susaanirangko ong∙atna jotton ka∙aniko plakan u∙inagita man∙gen.
Ian ge∙sa MFA aro a∙dok sorkarini rakbee kam ka∙anichi chu∙sokgipa ong∙na man∙aha aro gimik district-ni robol kal∙chakram biaprang chu∙sokgipa ong∙china miksonge MSL tangka paisarangchi chu∙gimik dakchakaniko on∙aha. Ia dakchakanichi chonchongipa dolrang association o kal∙susaaniko dake 2017-18 MSL ko oprakanio ge 19 club oni 25 ona tang∙doaha.
MSL-o kal∙susana seokako man∙gipa club ge∙prakna gong lakh 1 ko on∙aha, unbaksana semi-final ona dogipa dol na gong lakh 1 ko on∙dapaha. Bon∙kamgipa kal∙anio ammako man∙gipa Khliemawlieh dol na gong lakh 3 ko on∙dapaha aro chegipa Rangdajied United dolna gonglakh 5 ko on∙angaha.
