Sukrobar sal-o Voice of People Party (VPP)-ni General Secretary Dr Ricky Aj Syngkon, a∙dok sorkari-ni pulis department-na kam ra∙napaniko jekon March jani 6 tariko, Central Recruitment Board Meghalaya, Shillong ni driver, constable rangna dakangahachim, iarangni bidingo jemangan Khasi/Jaintia category-ni ning∙o ga∙akengachim uarangko nirokatchina, Deputy Minister in-charge Home (Police) Prestone Tynsong na chitti ko sedoataha.
Ia u∙iataniko, 16-Ri-Bhoi a∙jani saksa candidate jekon Alwist Maring (Roll No. 27002167) mingachim, ua bang∙bate marks rangko man∙genchimoba uko interview ona seokgija, una komibate marks man∙giparangkosa interview na seokaniko dakani ja∙mano, a∙dok sorkarini kam na ra∙napani dongimin niamrang-o pangchake darangkoba mikkang nitegija dakangchina ine Dr. Syngkon, mol∙mole chitti-o janapataha.
