KHNAM dolrang Roster ko 1972 bilsioni kam ka∙anirangko mesokatgipara taridapgipasa ine CM ko matnanga

Roster ni bidingo 1972 bilsioni dakbaenggipa kamrangko bikote ong∙gijadake parakataniara manderangni gisikko bringbrangatna jotton ka∙anisan ong∙a ine KHNAM dolrang sorkarini kosako matnange aganataha.
KHNAM dolni Vice President, Thomas Passah ni aganani gitade roster ni bidingo 1972 bilsioni dakbaenggipa kamrangko bikote mesokataniara tol∙e taridapgipasan ong∙a aro kamrangko sualaniko donudapna Chief Minister ni jotton ka∙anisan ong∙aia ine ua parakataha.