Matchu aro wakrango jelroroenggipa sabisini gimin chong∙motgipa ja∙pangko talatchina PT Sawkmie agana

Re∙anggipa sal somoi rango a∙paloni na∙tokrangko ra∙bae palenggipa oniko formalin ko man∙an baksanan da∙o jelroroenggipa wakni sabisi aro matchurangni be∙eno dal∙dale naenggipa sabisi ni bidingo UDP ni dilgipa aro Mawlai-ni MLA gitcham PT Sawkmie agananga. Unbaksana ia sabisi-ara Meghalaya a∙doko sanma ma gipin a∙songni bakrangoba ong∙engama uko a∙dokni manderangna talatchina mol∙molataha.

Iani bidingo maming kobor rangko on∙kujani a∙sel-o a∙dokni manderangna aro bading chiwale cha∙giparangna neng∙nikaniko man∙engani gimin Animal Husbandry aro Veterinary Minister A L Hek ko, ia sabisini bidingo tale u∙iatchina, Doctor rangko ge.etna nanga ine agandapangaha.