Ribhoi a∙jani Rinalis Ingti Meghalaya a∙dokna skanggipa medal ko National School Games o kal∙e man∙baaha. Ua gittamgipa biap ko high jump kal∙susaanio chebaaha.
Ia National School Games ko Delhi, Bhopal aro Gwalior-o, School Games Federation of India ni gita re∙anggipa June jani 6 tarikoni a∙bachengataha aro June 13 ona kingking kal∙susaaniko dakanggen.
High jump na agreba Meghalaya a∙dokni chadamberang basketball, shooting, badminton aro boxing rangoba bakko ra∙enga. Uamangni gisik nangbee bakko ra∙anian an∙ching a∙dokni chadamberangnaba nama dakmesokani aro didiani ong∙a.
