A∙dokni sakgittam cricket kal∙giparangko North East Zone-ni dolna da∙o ong∙na am∙enggipa Duleep Trophy o kal∙na seokako man∙aha. Ia seokako man∙giparangara Dippu Ch Sangma, Kishan Lyngdoh aro Akash Kumar Choudhary maang ong∙a.
BCCI Duleep Trophy o kal∙na uamangni doloni sak 15 ko zonal selection committee ni chanchirime seokaniko dakaha. Ia chanchirimaniko zonal convener aro Meghalaya Cricket Association ni President Naba Bhattacharjee June 4 tariko dakangaha.
