June jani 3 oni 5 tarikona Siliguri, West Bengal-o ong∙atanggipa WAKO India National Kickboxing Training Camp aro Black Belt Grading Exam-o Garo Hills-ni chadamberang sak bri aro Khasi Hills-ni saksa pass ka∙aha ine kobor ra∙timgiparangna u∙iataha.
Garo Hills-ni Jarmin M. Sangma, Saroj Rishi, Fousset Ch. Sangma, Molin K. Sangma aro Khasi Hills-ni Mordeki S. Kharpuri, WAKO India National Kickboxing Training Camp-o pass ka∙angaha.
Re∙baenggipa July 5 tariko Punjab Jalandhar-o ong∙atengipa, WAKO India National Senior and Master Kickboxing Championship-o kal∙susana gita training camp-o pass ka∙giparangko seokaha ine Jarmin Sangma parakataha.
Indakgipa national level-o kal∙susana gita Garo Hills-ni chadamberang seokaniako man∙e cholko man∙aniara, A∙chik jat aro a∙dokna namen katchabeani ong∙a. Mikkangchi uamangni kal∙susaanirango chu∙sokgipa ong∙china bang∙a manderang nama sikanikoba on∙ataha.
