West Garo Hills a∙ja o donggipa Ramjan Ali minggipa mande saksako til∙lekani mamlao bilsi 20 na patok o donatchina aro gong hajal 20 ko dai gamchina POCSO court Tura raiko on∙aha.
Ia mokor doma ka∙ani battang gimin 2014, March 20 tariko, Tikrikilla songo ong∙aha. Ramjan Ali ko adita changna rim∙aniko aro uni kosako mokor doma ka∙arangba dongahachim.
Ia mamlao sing∙sandianiko dakenggipa me∙chik pulis Inspector Usha Singha POCSO court Tura-judge ni rai on∙ao pangchake til∙lekanio jak donggipa mandeko dos donga ine sakiko on∙ataha. Dos donggipa mande hajal 20,000 daiko gamjaode uko niamo pangchake patoko donganiko bakroatna amgen.
