Jowai-ni mingsing minggamgipa, film tarigipa, Phidalia Toi-ko Meghalaya State Commission for Women-ni chairperson-ni kamoniko ra∙galaha. Meghalaya State Commission for Women Act, 2005 ni gita niam dongimin ko ja∙rikgija election campaign-o bak ra∙angahanina Toi-ko kam oniko ra∙galaha ine Budbar salo, Social Welfare Minister, Paul Lyngdoh kobor ra∙giparangna aganparakataha.
Commission-ni gita Toi komibeoba meeting ge∙gittamo bak ra∙na nangachim, indiba ua meeting ge∙brikon bak ra∙srangjaha, iaba mingsa Toi-na chairperson-ni kamni gita neng∙nikaniko ra∙baaha.
Gital chairperson-ko rakkina gita nanga niam rangko ra∙gatahama ine sing∙on, Women Commission niam ni ja∙pang ong∙a aro iako chalaina mande changgipa sapgipako rakkina nanga ine Social Welfare Minister aganaha aro Commission na gital bimungrangko seokna CM baksa agangrikgen ine Lyngdoh aganaha.
Gital chairperson-ko seokna nanggen aro gipin commission ni member rang somoi bon∙ja dipet kam ka∙angna man∙kugen ine u∙iataha. U∙iatani gitade February 16-o changni chang niamko ra∙galtaitaiaha aro ia ra∙galaniko January 18,2023 oni dakchina Social Welfare Department, February 14 o janapaha.
Toi-ni Wailadmiki Shylla-ni election campaign-o bak ra∙aniara commision-ni dongimin niamko pe∙a ga∙akaha aro Toi-na kamni gita neng∙nikaniko ra∙baaha.
