A∙dok o bilsianti chadamberang kamna galgenoba sorkari hajalni hajal chadamberangnade kamrangko chu∙onga gita on∙na amsokjawa ine Chief Minister Conrad K Sangma, World Environment day ko maniani salo aganangaha. Hajal sotdok ong∙nasipile chadamberangko Meghalaya a∙dok o kamrangna bilsi anti rimnapenga ineba ua parakataha. A∙dok o bilsi antian hajal sotchet ba lakh sa ong∙na am∙pile bi∙sarang atchiaoni bilsi 18-20 ni ja∙man hajal sotchet rangni gitade a.dokni dingtang dingtang kamrangko ka∙enga, ine Sangma agandapaha.
A∙doko sorkari ba private sector ni gita kamrang bang∙en nangkatronga, ua kamrangoni sorkarini gita hajal 2000 ba 3000 kamrangko regular ba ad-hoc o bangbang ong∙e dongenggipa kamrango napatronga ine Sangma agandapangaha. Uni aganani gitade Meghalaya Public Service Commission (MPSC) o 300 kamrangko bilsianti nakatatronga jeon DSC ni gita 100 ba 200 ong∙na am∙pile manderangna kamrangko ra∙bae on∙ronga ine ua janapataha.
Bilsi bonga prako police department ni gita hajal sa mandena kamrang nakatronga jean bilsi prako 200 ka∙e kamrang nakata uni kosako sak hajal 60,000 na bilsi prako kamrangko on∙ade sorkarini bil paksao ong∙a ine Sangma agantalate on∙angaha.
A∙dok sorkari hajal 57 mangni gita gitchagipa manderangko private sector o napatna nangao ga∙akenga jeon kamrangni nakatanio tourism aro ge∙a gamanian gamchatbegipa a∙ba ong∙a aro ian sorkarini dakna mangsonggipa kamba ong∙a ine Sangma agantalatangaha. Iani bidingo ua private sector aro manderangni bakrimanian gamchatbegipa ong∙enga ine didian baksa aganandapangaha.
